Sondazh: Çfarë ju pengon për t'u ushqyer shëndetshëm?
  • Çmimet e larta 73%
  • Mungesa e kohës 18%
  • Mungesë motivimi 9%
  • Lodhja fizike 0%

“Navalnin e vrau Putini”, BE dhe Zelensky: Kreu i Kremlinit, përgjegjësi kryesor

Nga Rosalba Bejdo
16 Shkurt 2024, 15:32 | Bota

Bashkimi Europian konsideron regjimin e Vladimir Putinit si përgjegjësin e vetëm të vdekjes tragjike të Navalnit.

Këtë e tha presidenti i Këshillit Europian, Charles Michel. Përmes një postimi në rrjetin social X, Michel theksoi se Navalni kishte luftuar për vlerat e lirisë dhe demokracinë, dhe se u sakrifikua për idealet e tij. 

Të tronditur për vdekjen e Navalnit u shprehën edhe një sërë liderësh perëndimore, përfshirë kancelarin gjerman Olaf Scholz që tha se 47-vjeçari kishte paguar me jetën, guximin e tij.

Kryeministri britanik Rishi Sunak e cilësoi këtë si një lajm të tmerrshëm, dhe tha se Navalni kishte treguar kurajo të jashtëzakonshme përgjatë jetës së tij. 

Sekretari i përgjithshëm i NATO-s Jens Stoltenber u shpreh i hidhëruar prej raportimeve qe vinin nga Rusia. Ndërsa presidenti Volodimir Zelensky tha se nuk kishte asnjë dyshim se Navalni ishte vrarë nga Putini.

A2 CNN Livestream

Ditari nga Erion Dushi