Sondazh: Cilat janë aktivitetet tuaja gjatë fundjavës?
  • Sport 13%
  • Me miqtë dhe familjen 53%
  • Rri në shtëpi 33%

OKB-ja paralajmëron kolaps të sistemit humanitar nëse ndërpriten fondet e UNRWA-s në Gaza

Nga A2 CNN
31 Janar 2024, 07:06 | Bota

OKB-ja paralajmëron kolaps të sistemit humanitar nëse

Zyrtarët e lartë të OKB-së kanë paralajmëruar se tërheqja e fondeve për agjencinë e saj kryesore të ndihmës në Gaza, mund të çojë në kolaps të sistemit humanitar. Reagimi i tyre erdhi pasi SHBA-ja, Britania e Madhe dhe vende të tjera ndërprenë fondet për një pjesë të stafit të OKB-së në sulmet e Hamasit të 7 tetorit ndaj Izraelit.

OKB-ja shkarkoi disa nga stafi i saj lidhur me akuzat, teksa shtoi se po zhvillohet një hetim në agjencinë e saj për refugjatët palestinezë, UNRWA.

“Çdo punonjës i OKB-së i përfshirë në akte terrori do të mbahet përgjegjës. Megjithatë, ne nuk duhet të parandalojmë një organizatë të tërë që të përmbushë mandatin e saj për t'u shërbyer njerëzve në nevojë të dëshpëruar. Tërheqja e fondeve nga UNRWA është e rrezikshme dhe do të rezultonte në kolapsin e sistemit humanitar në Gaza, me pasoja të gjera humanitare dhe të të drejtave të njeriut në territorin e pushtuar palestinez dhe në të gjithë rajonin”, thuhet në një deklaratë të OKB-së.

Një zëdhënës i UNRWA ka thënë se nëse financimi nuk rifillohet, agjencia nuk do të jetë në gjendje të vazhdojë operacionet e saj përtej fundit të shkurtit.

Gjithashtu të martën, koordinatori humanitar i OKB-së për Gazën tha se asnjë organizatë tjetër nuk mund të zëvendësojë UNRWA për shkak të "njohjes" së agjencisë për popullsinë në Gaza.

Vende të tjera që kanë ndërprerë financimin përfshijnë Gjermaninë, Suedinë dhe Japoninë.

Z. Guterres u takua me përfaqësues të më shumë se 30 shteteve donatore të martën dhe raportohet se u ka kërkuar atyre që kanë tërhequr fondet të rishqyrtojnë.

Kryeministri izraelit, Benjamin Netanyahu, e ka përshkruar UNRWA, si "të lidhur me Hamasin", duke thënë se Izraeli "ka zbuluar se kishte 13 punëtorë të UNRWA-s që morën pjesë drejtpërdrejt ose tërthorazi, në masakrën e 7 tetorit.

Por SHBA-ja, donatori më i madh i UNWRA, ka thënë se dëshiron të shohë agjencinë e ndihmës të vazhdojë punën e saj.

"Nuk ka asnjë lojtar tjetër humanitar në Gaza që mund të sigurojë ushqim, ujë dhe ilaçe në shkallën që bën UNRWA", tha zëdhënësi i Departamentit të Shtetit të SHBA-së, Matthew Miller.

"Ne duam të shohim që puna të vazhdojë, prandaj është kaq e rëndësishme që Kombet e Bashkuara ta marrin seriozisht këtë çështje, të hetojnë, që të ketë përgjegjësi për këdo që zbulohet se është përfshirë në keqbërje."

Në sulmin e 7 tetorit, persona të armatosur të Hamasit vranë rreth 1300 njerëz dhe morën rreth 250 pengje.

Izraeli nisi një ofensivë kundër Hamasit si përgjigje dhe më shumë se 26.700 njerëz janë vrarë në Gaza që atëherë, sipas Ministrisë së Shëndetësisë të territorit të drejtuar nga Hamasi.

A2 CNN Livestream

Debat - nga Alba Alishani