Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 6%
  • Kujdesi familjar 82%
  • Ndikimi i shoqërisë 12%

Pas 17 muajve në qeli, lirohen nga burgu 2 reporteret që raportuan vdekjen e Mahsa Amini në Iran

Nga A2 CNN
14 Janar 2024, 17:26 | Bota

Pas 17 muajve në qeli, lirohen nga burgu 2 reporteret që raportuan

Niloufar Hamedi dhe Elaheh Mohammadi, 2 reporteret që raportuan vdekjen e Mahsa Amini në Iran, janë liruar pas 17 muajsh burg. Dy gazetarët njoftuan për vdekjen e gruas së re kurde pas arrestimit për shkak se ajo nuk mbante mbulesën siç duhet.

Sipas mediave lokale, Gjykata e Apelit ka rënë dakord për lirimin e tyre me kusht prej 100 miliardë rialësh secili, pak më shumë se dy mijë euro. Ata do të qëndrojnë jashtë burgut deri në gjykimin e apelit, data e të cilit ende nuk është caktuar. Megjithatë, dy gazetaret nuk do të mund të largohen nga vendi.

Hamedi, një fotoreporter për gazetën reformiste “Shargh” dhe Mohammadi, për gazetën reformiste “Ham-Mihan” u dënuan në tetor me 13 dhe 12 vjet burg respektivisht për "lidhje me një shtet armiqësor (SHBA)". Akuzat e tjera ishin edhe për “grumbullim dhe bashkëpunim kundër sigurisë kombëtare dhe propagandë kundër sistemit”.

A2 CNN Livestream

Ditari nga Bruna Çifligu