Udhëheqësi i rajonit separatist të Moldavisë Transnistria ka udhëtuar për në Moskë që nga pezullimi i dërgesave të gazit rus përmes Ukrainës, thotë presidenti i Moldavisë.
Sipas mediave të huaja, Transnistria ka pësuar ndërprerje të gjera të energjisë që nga 1 janari, kur Gazprom i Rusisë pezulloi eksportet e gazit në rajon për një borxh të supozuar prej 709 milionë dollarësh, një shifër e kontestuar ashpër nga qeveria pro-perëndimore e Moldavisë.
Moska fajëson për pezullimin e furnizimit me gaz Moldavinë dhe Ukrainën, të cilat refuzuan të zgjasin një marrëveshje pesëvjeçare të tranzitit të gazit që skadoi më 31 dhjetor me arsyetimin se të ardhurat ndihmojnë në financimin e pushtimit të Rusisë.
Moldavia thotë se Moska mund të përdorë një rrugë alternative për të vazhduar furnizimin me Transnistrinë, e cila merrte gaz nëpërmjet Ukrainës, shkruan A2 CNN.
Presidentja e Moldavisë Maia Sandu nuk dha detaje në lidhje me udhëtimin e Vadim Krasnoselsky në Moskë, por tha se vendimi për ta lejuar atë të udhëtonte nëpërmjet Kishinevit tregonte se qeveria e saj nuk po pengonte përpjekjet për të zgjidhur krizën.
As zyra e Krasnoselsky dhe as autoritetet ruse nuk kanë komentuar vizitën, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
