Rreziku nga tajfuni, Kina evakuon rreth 2 milionë persona, fluturime të anuluara

Një tajfun i fuqishëm ka goditur Kinën, i dyti brenda një jave, me gati dy milionë njerëz të evakuuar nga zonat në rrugën e stuhisë.

Tajfuni Bavi, i cili shtrihet në 1.000 km në pikën e tij më të gjerë, afërsisht sa gjerësia e Francës, preku tokën në qytetin bregdetar të Taizhou të shtunën në mbrëmje përpara se të zbarkonte për herë të dytë në Wenzhou rreth mesnatës.

Pasi goditi një zinxhir ishujsh të largët japonezë, ai solli reshje të rrëmbyeshme shiu në Tajvan ndërsa kaloi përtej skajit të tij verior. Rrëshqitjet e dheut të shkaktuara nga stuhia vranë të paktën 17 persona në Filipine.

Më shumë se 1.7 milion njerëz u evakuuan në Zhejiang dhe mijëra të tjerë në provincat fqinje. Shkollat, puna dhe aktivitetet në natyrë janë pezulluar, ndërsa 400 fluturime dhe dhjetëra shërbime treni janë anuluar. (A2 Televizion)