Një avion bombardues B-52 Stratofortress i Forcave Ajrore Amerikane është “rrëzuar menjëherë pas ngritjes” nga Baza Ajrore Edwards në Kaliforninë jugore, tha baza në një deklaratë.
Incidenti ndodhi në orën 11:20 (me orën lokale). Baza nuk tha nëse ka pasur të lënduar si pasojë e përplasjes, e cila krijoi një re të stërmadhe tymi të zi që mund të shihej në kilometra të tëra.
"Ekipet e emergjencës iu përgjigjën menjëherë situatës që është në zhvillim e sipër. Më shumë informacion do të jepet sapo të jetë i disponueshëm", tha baza në një deklaratë.
Boeing B-52 Stratofortress është përdorur nga ushtria amerikane që nga vitet 1950 dhe është ndër më ikonikët e arsenalit të SHBA. Në një përditësim të mëvonshëm në X, baza tha se "Aerodromi është mbyllur dhe të gjithë avionët që hyjnë në zonë po devijohen".
"Të gjitha lejet e vizitorëve jo-komercialë janë pezulluar deri në njoftim të mëtejshëm për të lejuar që instalimi të përqendrohet tërësisht në operacionet e reagimit ndaj emergjencave."
B-52 është një bombardues strategjik me rreze të gjatë veprimi që ka marrë pjesë në sulmet bombarduese ndaj Iranit gjatë luftës së fundit. (A2 Televizion)
A2 CNN Livestream
MUND TE LEXONI GJITHASHTU
