Rusia forcon aleancën me Iranin, Putin dhe Raisi të bashkuar nga armiqësia ndaj SHBA

Nga Rosalba Bejdo
8 Dhjetor 2023, 14:00 | Bota

Presidenti iranian, Ebrahim Raisi, akuzoi perëndimin për mbështetje të gjenocidit nga Izraeli kundër popullsisë në Gaza, gjatë bisedimeve të zhvilluara në Moskë me presidentin Vladimir Putin.

Si pjesë e një serie takimesh të fokusuara në Lindjen e Nesme, Putin mirëpiriti Raisin në Kremlin një ditë pasi vizitoi Emiratet e Bashkuara Arabe dhe Arabinë Saudite, ku u diskutua mbi luftrat në Gaza dhe Ukrainë dhe përpjekjet e Rusisë dhe OPEC për të rritur çmimet e naftës.

Në fjalimin televiviz, asnjë nga liderët nuk iu referua bashkëpunimit gjithnjë e më të ngushtë ushtarak, burim shqetësimi për SHBA-në që thotë se Irani po e furnzion Rusinë me armatime. 

"Ajo që po ndodh në Palestinë dhe Gaza është gjenocid dhe krim kundër njerëzimit…Më trishton edhe më shumë që kjo po përkrahet nga SHBA-ja dhe Perëndimi."

Irani mbështet grupin militant të Hamasit, ndërsa Rusia ka marrëdhënie me të gjithë lojtarët në rajon përfshirë Hamasin dhe Izraelin. Ajo që i bën më së shumti bashkë këto dy vende, është urrejtja për Shtetet e Bashkuara.

Presidenti Putin vlerësoi marrëdhëniet e vendit të tij me Iranin duke thënë se ato po zhvillohen shumë mirë. Sipas tij, është e rëndësishme që dy vendet të shkëmbejnë pikëpamje mbi situatën në rajon, veçanërisht sa i përket Palestinës.

Putin ka thënë se pamjet e vujajtjeve dhe fëmijëve të gjakosur e bëjnë për të qarë, komente të cilësuara hipokrite nga Perëndimi, teksa vetë forcat ruse po vrasin mijëra civilë në Ukrainë.

Menjëherë pas shpërthimit të konfliktit, Putin bisedoi si me liderët izraelitë ashtu edhe ata arabë në përpjekjen për të pozicionuar veten si ndërmjetësues i mundshëm për paqen. (A2 Televizion)

A2 CNN Livestream

Latest Videos