Senatori amerikan, Marco Rubio nga Florida, u bë i pari nga kandidatët e kabinetit të Presidentit Donald Trump i cili u betua në detyrë. Në fjalën e tij ai theksoi se politika e jashtme e SHBA nën Trump do të vendosë nevojat amerikane në radhë të parë.
“Premtimi parësor i Trump kur bëhet fjalë për politikën e jashtme është se prioriteti i Departamentit të Shtetit të Shteteve të Bashkuara do të jenë Shtetet e Bashkuara, ai do të jetë më tej interesi kombëtar i këtij vendi”, tha Rubio pasi u betua përballë zv/Presidentit të SHBA, JD Vance.
Ai shtoi se një tjetër synim i politikës së jashtme nën Trump do të jetë promovimi i paqes.
“Sigurisht, paqja përmes forcës, paqes dhe gjithmonë pa braktisur vlerat tona", tha Rubio.
Senati amerikan konfirmoi njëzëri Rubion, një skifter anti-kinez dhe mbështetës i vendosur i Izraelit, vetëm disa orë pasi Trump mori detyrën. Vota nga Senati për kandidatët e tjerë të Trump priten të miratohen këtë javë. (A2 Televizion)
A2 CNN Livestream
MUND TE LEXONI GJITHASHTU
