Sondazh: A kujdeseni për datat e skadencës së produkteve ushqimore?
  • Gjithmonë 69%
  • Rrallë 19%
  • Asnjëherë 13%

Vala e re e Covid dhe gripit sezonal, Spanja rikthen maskat në spitale

Nga A2 CNN
9 Janar 2024, 22:09 | Bota

Vala e re e Covid dhe gripit sezonal, Spanja rikthen maskat në spitale

Spanja ka rikthyer maskat në spitale dhe qendra shëndetësore pas përhapjes së një vale të infektuarish me gripin sezonal dhe Covid-19.

Vendimi i qeverisë, i cili vjen gjashtë muaj pasi mbajtja e maskave në objektet shëndetësore dhe farmaci pushoi së qenë i detyrueshëm, ka hasur në kundërshtime nga disa administrata rajonale.

Por ministrja e re e shëndetësisë e Spanjës, Mónica García, hodhi poshtë kundërshtimet e tyre duke argumentuar se ishte një “masë e arsyeshme.”

“Kemi biseduar dhe kemi reflektuar thellë mbi rolin e maskave, veçanërisht në qendrat shëndetësore dhe spitalet, kur bëhet fjalë për mbrojtjen e pacientëve dhe profesionistëve shëndetësorë”, tha ajo pas një takimi të autoriteteve rajonale shëndetësore të hënën.

“Është një masë efektive, e arsyeshme, që mbështetet nga prova shkencore dhe që është pranuar mirë nga publiku.”

Edhe pse disa nga 17 qeveritë autonome të Spanjës, të cilat zakonisht janë përgjegjëse për kujdesin shëndetësor në rajonet e tyre përkatëse, kanë dekretuar tashmë mbajtjen e maskave në institucionet shëndetësore, të tjerat janë kundërshtuar ashpër.

Sipas Organizatës Botërore të Shëndetësisë, deri në fund të vitit 2023, Spanja ka regjistruar pothuajse 14 milionë raste të konfirmuara të Covid dhe ka regjistruar pothuajse 122,000 vdekje nga virusi.

A2 CNN Livestream

Dita jonë