Tre persona kanë humbur jetën në Tivoli pasi spitali i qytetit u përfshi nga flakët. Mediat në Itali raportojnë se dy persona humbën jetën nga intoksikimi kurse një i tretë si pasojë e atakut në zemër.
Pas shuarjes së flakëve, spitali u mbush me tym dhe u evakuua. Rreth 200 pacientë tashmë janë transferuar.
Dhjetëra pacientë të evakuuar u transferuan në palestrën bashkiake aty pranë, të ngritur nga Mbrojtja Civile lokale me batanije, jastëkë dhe shtretër, shkroi kryetari i bashkisë së Tivolit, Giuseppe Proietti, në rrjetet sociale.
Zjarri në spitalin e Tivolit, sipas mediave, nisi nga disa dhoma që ndodhen në katin -2 të spitalit dhe prej andej flakët mbërritën në urgjencë dhe në reanimacion.
Repartet e tjera nuk u prekën, por tymi shumë i dendur pushtoi të gjithë spitalin dhe u pa e nevojshme që të evakuohej e gjithë struktura.
Përveç tre viktimave që humbën jetën nga zjarri, u gjet edhe trupi i një personi që kishte ndërruar jetë para se të binte zjarri.
Ndërkohë, prokuroria e Tivoit ka hapur një dosje hetimore për rastin. Në trupat e viktimave është urdhëruar autopsi për të zbardhur shkaqet e vdekjes. (A2 Televizion)
A2 CNN Livestream
MUND TE LEXONI GJITHASHTU
