Misioni i Vëzhgimit të Zgjedhjeve të Bashkimit Evropian ka filluar punën për zgjedhjet parlamentare të Kosovës që do të mbahen më 9 shkurt 2025. Gjatë një konference për media, shefja e Misionit të BE-së, Nathalie Loiseau, bëri të ditur se ky është misioni i shtatë i BE-së për vëzhgimin e zgjedhjeve në Kosovë.
“Zgjedhjet e 9 shkurtit janë shumë të rëndësishme. Janë zgjedhjet e para të cilat mbahen nën ligjin e ri elektoral. Ligji i ri elektoral merr në konsideratë edhe rekomandimet e Bashkimit Europian dhe ecurinë e tyre”, tha shefja e misionit tw BE, Nathalie Loiseau
Më tej shefja e Misionit të BE theksoi se, detyrat e tyre është vëzhgimi nga afër i procesit elektoral dhe zgjedhor në Kosovë. Ata do të asitojnë dhe në përfundim do nxjerrin raportin për zgjedhjet dhe standardet e tyre.
Detyrat e Misionit të vëzhgimit të BE, është asistimi dhe vëzhgimi, i procesit elektoral dhe sa i plotësojnë ato standardet evropiane dhe me plotësimin e rekomandimeve të BE, në mënyrë që të përkojnë me zgjedhjet transparente dhe të ndershme.
Objektivi është që qytetarët të shprehin lirisht preferencën e tyre nëpërmjet votës. Prezenca e misionit gjithashtu nënvizon mbështetjen e Kosovës për fuqizimi e demokracisë në vend”.
Vëzhguesit afatgjatë vijnë nga 18 vende, duke përfshirë vendet e BE-së, Norvegjinë dhe Zvicrën. Pak para ditës së zgjedhjeve, Misioni do të forcohet me 36 vëzhgues afatshkurtër, një delegacion deputetësh të PE dhe deri në 36 diplomatë nga vendet e BE-së, Kanadaja, Norvegjia dhe Zvicra.
Misioni i vëzhgimit të zgjedhjeve të BE-së do të paraqesë gjetjet paraprake në një konferencë dy ditë pas zgjedhjeve. (A2 Televizion)
A2 CNN Livestream
MUND TE LEXONI GJITHASHTU
