Për Presidentin e Serbisë, Aleksandar Vuçiç, nuk ka asrye për të pasur një konflikt në Ballkan. Gjatë deklaratave për mediat në Suboticë, me rastin e përurimit të linjës hekurudhore që do të lidhë Serbinë me Hungarinë, lideri serb fajësoi Albin Kurtin për provokime.
“Nuk shoh asnjë konflikt, edhe pse Albin Kurti i provokon çdo ditë. Duhet të jemi të fortë, të ecim përpara, t'i shtyjmë gjërat përpara, të mbrojmë popullin tonë, të luftojmë për interesat e tyre në Kosovë, për popullin tonë në çdo vend, por secili ka të drejtë të mendojë çfarë të dojë”, deklaroi Vuçiç.
“Lufta është gjëja e fundit që duhet të na ndodhë dhe shpresoj se nuk do të na ndodhë kurrë”, tha Vuçiç.
Ai përmendi gjithashtu edhe luftën në Lindjen e Mesme dhe Ukrainë: "Edhe pse ju të gjithë qeshët me mua dhe më thoshit se isha "mbretëresha e dramës" dy muaj më parë, tashmë askush nuk po qesh më. Dhe siç mund ta shihni, situata më e vështirë është në Ukrainë, situata e vështirë duket edhe në Lindjen e Mesme”.
Deklaratat e Aleksandar Vuçiç vijnë si reagim ndaj alarmit të ngritur nga Ministri i Mbrojtjes së Italisë, Guido Crosetto, i cili është shprehur i shqetësuar për situatën e sigurisë në Ballkan.
Para disa ditësh nga Gjeneva, Presidenti i Serbisë, përsërti frazën se nuk dëshiron luftë me Kosovën duke fajësuar Prishtinën dhe jo Beogradin për një qasje të tillë. Vuçiç e justifikoi faktin me interesat jetike serbe dhe mbrojtjen e Kushtetutës, por në të njëjtën kohë përsëriti akuzat e pabaza për spastrim etnik të serbëve në veri. (A2 Televizion)
A2 CNN Livestream
MUND TE LEXONI GJITHASHTU
