Presidenti i Republikës ishte pranë efektivëve shqiptarë që ndodhen në Komandën Rajonale Perëndim, "Camp Villagio Italia", te KFOR-it në Pejë të Kosovës.
Teksa vlerësoi KFOR-in, si një histori suksesi, Begaj i tha Komandantit të bazës ushtarake, Gabriele Vacca se ajo që ju po bëjnë është shumë e rëndësishme në mbrojtje të vlerave të lirisë dhe ruajtjes së paqes dhe sigurisë në rajon.
Kreu i shtetit falënderoi trupat shqiptare për shërbimin që kryejnë ndaj atdheut dhe flamurit, si dhe uroi një vit të ri me shëndet, begati e paqe për ta, ndonëse larg familjeve të tyre.
“Si përfaqësues të vendit tonë në misione paqeruajtëse, ju e lartësoni emrin e Shqipërisë dhe të shqiptarëve kudo që ndodheni dhe mishëroni vlerat tona më të mira. Falë punës suaj, vendi ynë konsiderohet partner i besueshëm në NATO”, theksoi Presidenti Begaj.
Ai cili pohon nevojën e rritjes së buxhetit të Mbrojtjes dhe mbështetjes për Forcat tona të Armatosura.
Begaj, edhe si komandant i përgjithshëm i forcave të armatosura, tha se Shqipëria vijon angazhimin maksimal në mbrojtje të vlerave të qytetërimit perëndimor, ku bëjmë pjesë”. (A2 Televizion)
A2 CNN Livestream
MUND TE LEXONI GJITHASHTU
