Rubla në rënie të lira, Banka e Rusisë thërret mbledhje urgjente

Nga A2 CNN
15 Gusht 2023, 12:29 | Aktualitet
Rubla në rënie të lira, Banka e Rusisë thërret mbledhje

Banka e Rusisë ka thirrur një mbledhje urgjente më 15 gusht. Arsyeja është e qartë: si të përballet vendi me rënien e monedhës vendase, rublës, e cila ka arritur fundin pas thyerjes së barrierës prej 100 rubla për dollar.

Rusia nuk kishte në plan të rishikonte politikën e saj monetare deri në shtator, por ka ndryshuar mendje pasi ka parë që masat e zbatuara për rritjen e normave nuk kanë pasur efekt. Monedha ka qenë në rënie të lirë për shtatë muaj radhazi, megjithëse minimumi arriti në mars 2022, pikërisht në fillimin e luftës në Ukrainë, kur rubla ishte 121,5 për dollar.

Banka Qendrore Ruse siguron se nuk ka “kërcënime për stabilitetin financiar” të vendit, i cili ka pasur sanksione nga Bashkimi Evropian, Shtetet e Bashkuara dhe vendet e ndryshme që kanë qenë në kundërshtim me vendimin që ka marrë Kremlini në lidhje me luftën në Ukrainë.

Besohet gjithashtu se rënia e monedhës ruse është ndikuar nga spekulimet në bursë, shpenzimet e tepërta për mbrojtjen dhe armët dhe largimin e kapitalit për shkak të pasigurisë së shkaktuar nga lufta.

Nga monedhat kryesore në planet, rubla konsiderohet më e zhvlerësuara së bashku me lirën turke, e cila ka një problem kronik kundër të cilit Recep Tayip Erdogan po përpiqet të luftojë, dhe peson argjentinase.

Inflacioni, një problem tjetër

Sipas raportimeve, situata ekonomike në Rusi është ndikuar edhe nga inflacioni. Mishi është rritur 30% në javët e fundit dhe çmimet në përgjithësi janë rritur 3,74% këtë vit.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Edicioni informativ nga Suela Demiri