“Shkolla është e prapambetur, mësuesit të ndryshojnë komunikimin me adoleshentët”

Nga A2 CNN
18 Maj 2023, 23:25 | Sociale
“Shkolla është e prapambetur, mësuesit të

Sociologu Gëzim Tushi shprehet se shkollat tona janë të prapambetura “në mekanizmin pedagogjik të sjelljes me adoleshentët”.

Në një lidhje direkte me studion e “Ditarit”, në A2 CNN, Tushi deklaroi: “Shkolla është e prapambetur në mekanizmin pedagogjik të sjelljes me adoleshentët. Mësuesit duhet të ndryshojnë parimet e komunikimit ndaj kësaj moshe delikate. Adoleshentët nuk janë fajtorë, janë viktima. Së pari, janë viktima të jetës së tyre dhe unë them që ne duhet t’i mbrojmë ata nga vetja”.

“Shkolla duhet të skalitë disa tipare të humanizmit. Ku do t’i mësojnë adoleshentët parimet e komunikimit human dhe moral, përveçse në shkollë? Fëmijët po i mësojmë me parimet e suksesit me çdo kusht”, shtoi sociologu.

Por, sipas tij, edhe prindërit duhet të ndryshojnë sjelljen e tyre ndaj fëmijëve adoleshentë. “Prindërit duhet të ndryshojnë. Duhen parime të reja të prindërimit dhe mënyra të reja sjelljeje me adoleshentët e sotëm. Një pjesë e madhe e konflikteve që krijohen në familje dhe kjo urrejtja mes adoleshentëve dhe prindërve vjen sepse instrumentat edukative që vazhdojnë të përdoren në familjen shqiptare janë të vjetra dhe në vend që të sjellin komunikim, sjellin konflikte agresive”, u shpreh Tushi.

“Prindërit duhet të kuptojnë që koha e sotme nuk e pranon mënyrën autoritariste. Nëse prindërit vazhdojnë të mendojnë se mund ta mposhtin adoleshentin, e kanë gabim. Vetëm komunikimi është rruga e vetme për t’u marrë vesh me ta”, shtoi sociologu.

https://a2news.com/video/adoleshenca-ne-krize/
https://a2news.com/video/arti-i-te-qenit-adoleshent-aftesia-per-te-dialoguar/
https://a2news.com/2022/04/26/crregullimet-e-shendetit-mendor-te-femijet-psikiatrja-jep-alarmin-jane-shtuar-tentativat-e-vrasjes-tek-adoleshentet/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi