Sondazh: Nëse i afërmi juaj e ka ditëlindjen në 29 shkurt, kur e uroni?
  • 28 shkurt 33%
  • 1 mars 33%
  • Nuk e uroj 33%

E rëndë! Burri plagos gruan në Malësinë e Madhe

Nga A2 CNN
23 Nëntor 2023, 11:30 | Aktualitet

E rëndë! Burri plagos gruan në Malësinë e Madhe

Një krim në familje është regjistruar mesditën e kësaj të enjteje në Malësi të Madhe, fatmirësisht pa viktima.

Ngjarja ka ndodhur në fshatin Grizhë, ku burri ka plagosur gruan e tij. Autori është identifikuar si A. Z., 48 vjeç, i cili është vënë në pranga.

Nga sa raporton policia, ngjarja ka ndodhur për motive të dobëta.

“Dëmtoi me mjet prerës (thikë), për motive të dobëta, bashkëshorten e tij, vihet në pranga 48-vjeçari.

Pas marrjes së njoftimit, mbrëmjen e djeshme, se një shtetas kishte dëmtuar me mjet prerës, bashkëshorten e tij, në banesën e tyre në fshatin Grizhë, shërbimet e Komisariatit të Policisë Malësi e Madhe kanë organizuar punën dhe kanë mbërritur menjëherë në vendngjarje, me qëllim arrestimin e këtij shtetasi.

Si rezultat, u kap në flagrancë dhe u vu në pranga shtetasi A. Z., 48 vjeç, i cili dyshohet se për motive të dobëta, ka dëmtuar me mjet prerës (thikë), bashkëshorten e tij 38 vjeçe, e cila është jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, thuhet në njoftim.

 

A2 CNN Livestream

Ditari nga Denisa Pasholli