Sondazh: Çfarë ju pengon për t'u ushqyer shëndetshëm?
  • Çmimet e larta 0%
  • Mungesa e kohës 0%
  • Mungesë motivimi 0%
  • Lodhja fizike 0%

Shqipëria si Serbia? Ministri Peleshi zbulon a do të rikthehet shërbimi i detyruar ushtarak

Nga A2 CNN
15 Shkurt 2024, 13:30 | Aktualitet

Shqipëria si Serbia? Ministri Peleshi zbulon a do të rikthehet

Rikthimi i shërbimit të detyruar ushtarak ishte një nga temat e nxehta për të cilat ministri i Mbrojtjes, Niko Peleshi, u pyet në “Ditari” i A2CNN, gjatë lidhjes nga Ministeriali i NATO-s në Bruksel.

Nisur edhe nga një deklaratë e homologut të tij serb, Millosh Vuçeviç, që në fillim të vitit njoftoi rikthimin e shërbimit të detyrueshëm ushtarak për qytetarët me afat 4-mujor, Peleshi tha se ka një hap tjetër që Shqipëria do të ndërmarrë para se të nisë ky diskutim.

Ministri i Mbrojtjes zbuloi se qeveria ka gati një ligj që do t’i hapë rrugën krijimit të forcës rezerviste përkrah Forcave të Armatosura të Shqipërisë.

Kjo forcë pritet të përbëhet nga 2200 deri në 2400 anëtarë dhe baza e saj do të jetë në Elbasan.

Ka një hap tjetër para se të shkojmë në hapjen e këtij diskutimi, që është forca rezerviste. Përveç ushtrisë profesioniste që kemi ne na mungon një forcë rezerviste që na mungon tani. Një forcë rezerviste që na mungon tani. Kemi hartuar një ligj që do të miratohet shumë shpejt në qeveri dhe parlament për krijimin e forcës rezerviste. Duke filluar nga vjeshta e këtij viti do të kemi kontingjentin e parë të forcës rezerviste që e mendojmë në Elbasan. Më pas, ky numër do të shkojë deri në 2 mijë apo 2200, maksimumi i parashikuar. Forca rezerviste mbi baza vullnetare, trupa të shtuar për 2 apo 4 javë aty ku parashikohet në domeine të ndryshme”, tha Peleshi.

A2 CNN Livestream

Ditari nga Erion Dushi