Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 10%
  • Kujdesi familjar 80%
  • Ndikimi i shoqërisë 10%

Ekzekutimi në Vlorë, me snajper me precizion deri në 1 mijë metra. Policia kërkon ndihmën e publikut

Nga Julian Kasapi
15 Janar 2024, 12:38 | Kronikë

Policia e Vlorës ofron 30 mijë euro shpërblim për këdo që jep informacion që do të ndihmojë në identifikimin e autorit ose autorëve të ekzekutimit me snajper të Gëzim Sinomatit.

Kur ka kaluar një javë nga vrasja e të riut vlonjat, policia me sa duket nuk ka asnjë të dhënë mbi të dyshuarit që kryen atentatin e sofistikuar ndaj kërkon ndihmën e publikut. Sipas saj për këdo që jep informacione të vlefshme ofrohen 30 mijë euro shpërblim.

23-vjeçari u ekzekutua mbrëmjen e 7 janarit  në lagjen “Hajro Çakërri” afër Poliklinikës në qytetin bregdetar. Edhe pse u shoqëruan mbi 20 persona policia nuk nxori asnjë urdhër ndalimi. Grupi hetimor dha vetëm detaje mbi armën e krimit, të dala nga ekzaminimi balistik i gëzhojës së gjetur në vendngjarje.

Ekzekutimi sipas bluve është kryer me një armë snajper të kalibrit 7mm dhe precizion deri në 1 mijë metra. Hetuesit dyshojnë se ngjarja mund të lidhet me të shkuarën kriminale të Sokol Sinomatit, babait te tij por edhe aktivitetin pas viteve ‘97-të.Por autoritet nuk përjashtojnë as vrasjen me motive të konflikteve të kohëve të fundit në Belgjikë për një sasi të vjedhur të kokainës, ku përgjatë muajve të fundit dy shqiptarë janë vrarë.

A2 CNN Livestream

Ditari nga Bruna Çifligu