I dënuar me 3 vjet e 4 muaj burg, arrestohet tatuisti “spacciator” i kokainës

Nga A2 CNN
16 Nëntor 2023, 12:21 | Kronikë
I dënuar me 3 vjet e 4 muaj burg, arrestohet tatuisti
Foto ilustruese

Policia ka arrestuar 29-vjeçarin Armando Behari, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë e ka dënuar, me 3 vjet e 4 muaj burgim, për vepra penale në fushën e narkotikëve.

Në vitin 2022, 29-vjeçari kishte përshtatur një qendër tatuazhesh në zonën e Komunës së Parisit, për përdorimin dhe shitjen e lëndës narkotike kokainë.

Njoftimi i policisë:

Tiranë/Vijon operacioni policor i koduar “Sundimi i ligjit”. Në kuadër të këtij operacioni, nga Seksioni i Kërkimit, i DVP Tiranë, është finalizuar operacioni policor i koduar “Center”. Kapet dhe vihet në pranga një shtetas në kërkim, i dënuar me 3 vjet e 4 muaj burgim, për veprimtari kriminale në fushën e narkotikëve.

Shërbimet e Seksionit të Kërkimit në DVP Tiranë, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi të shpallur në kërkim, organizuan dhe finalizuan operacionin policor të koduar “Center”.

Si rezultat i këtij operacioni, në rrugën “Ali Demi”, u kap dhe u vu në pranga shtetasi në kërkim Armando Behari, 29 vjeç, banues në Tiranë.

Gjykata e Shkallës së Parë e Juridiksionit të Përgjithshëm Tiranë e ka dënuar këtë shtetas, me 3 vjet e 4 muaj burgim, për vepra penale në fushën e narkotikëve. Në vitin 2022, 29-vjeçari ka përshtatur një qendër tatuazhesh në zonën e Komunës së Parisit, për përdorimin dhe shitjen e lëndës narkotike kokainë.

Materialet procedurale i kaluan Prokurorisë, për veprime të mëtejshme.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli