Merr fund misteri, zbulohet kujt i përket koka e prerë dhe trupi i dekompozuar i gjetur në fshatin Xarrë

Nga A2 CNN
16 Nëntor 2023, 09:45 | Kronikë
Merr fund misteri, zbulohet kujt i përket koka e prerë dhe trupi i
Momenti kur mbetjet trupore u morën nga ekspertët për t'u dërguar në Mjekësinë Ligjore

Adnant Jaupi është 53-vjeçari nga Elbasani, trupi i të cilit u gjet i dekompozuar në fshatin Xarrë, bashkia Konispol. 53-vjeçari nga Elbasani punonte si çoban në Xarrë. Identifikimi u krye nga mjekësia ligjore, por edhe pas hetimit nga policia e Sarandës.

53-vjeçari Adnant Kaupi kishte rreth 2-3 muaj që ishte zhdukur. Për këtë ishin interesuar edhe familjarë të tij. Nga hetimi nuk konstatohen shenja goditjeje me mjete te forta apo plumbi, ku për pasojë t’i kishte ardhur vdekja.

Vendi ku u gjet trupi i tij, fillimisht koka dhe pastaj trupi i dekompozuar, por i pagroposur, ishte në një tunel me gjerësi rreth 1 metër dhe gjatësi 3-4 metra. Madje te vendi ku u gjet kufoma kishte ende erë të rëndë dekompozimi. Sipas burimeve, mësohet se vdekja mund të ketë qenë për shkaqe natyrale.

A2 CNN Livestream

Ditari nga Bruna Çifligu