Akuzat e Ahmetajt, Manastirliu përgjigjet për lidhjen e Veliajt me Inceneratorin e Tiranës

Nga A2 CNN
7 Shkurt 2024, 12:50 | Politikë

Ministrja e Arsimit, Ogerta Manastirliu, është pyetur, ditën e sotme, nga gazetarët për lidhjen e kryebashkiakut Erion Veliaj me inceneratorin e Tiranës, nisur nga akuzat e Arben Ahmetajt nga arratia.

E gjitha vjen pasi është thënë se 6 mln euro i është hequr nga Bashkia e Tiranës buxhetit për arsimin me qëllim financimin e Ineneratorit të Tiranës. Sipas Manastirliut, një gjë e tillë nuk është e vërtetë, pasi buxheti për arsimin këtë vit ka qenë në nivelet më të larta.

“Qeveria shqiptare është e angazhuar për të financuar arsimin në të gjitha nivelet e tij, duke inkurajuar partneritetet me pushtetin lokal, ne kemi një bashkëpunim shumë të madh me të gjitha bashkitë, në funksion të të të gjitha investineve sa i përket rehabilitimit dhe ndërtimit të institucioneve arsimore dhe jo vetëm nuk janë ulur, por fondet dedikuar për arsimin janë rritur dita-ditës. Dhe këtë vit kemi pasur fondin më të madh për arsimit”, tha Manastirliu.

A2 CNN Livestream

Dita jonë