Sondazh: Çfarë ju pengon për t'u ushqyer shëndetshëm?
  • Çmimet e larta 0%
  • Mungesa e kohës 0%
  • Mungesë motivimi 0%
  • Lodhja fizike 0%

Ngec reforma zgjedhore, opozita bllokon sërish komisionin, Alibeaj “spektator” nga zyra

Nga Fjorela Beleshi
6 Shkurt 2024, 20:14 | Politikë

Komisioni i posaçëm për reformën zgjedhore e pati përsëri të pamundur të mbahet fizikisht. Kësaj radhe deputetët e opozitës u ndanë në dy fronte. Ata me në krye Gazment Bardhin zunë karriget brenda sallës, ndërsa pjesa tjetër e deputetëve të përjashtuar u bën mur për të vështirësuar futjen e socialistëve.

Në këtë tentativë të tretë, bashkëkryetari i mazhorancës nuk arriti as të kalonte pragun e derës, pasi demokratët u kthyen në pengesë.

Por ndryshe nga Gjiknuri, anëtarët e tjerë socialistë arritën të gjenin karrige të lirë, madje nuk munguan as shtrëngimet e duarve me kolegët protestues të opozitës.

Me largimin e socialistëve, Oerd Bylykbashi e cilësoi këtë sjellje të mazhorancës si një skenar të Edi Ramës për të shmangur opozitën duke u dakordësuar me Lulzim Bashën.

Dy kate më poshtë, Damian Gjiknuri gjeti qetësinë për të folur me median, ku bëri fajtorë të dy grupimet e demokratëve për këtë situatë bllokuese, ndërsa ua bën të qartë sërish qasjen e PS sa i përket Kodit elektoral.

Bashkëkryetari demokrat që nuk gëzon besimin e grupit parlamentar të PD, sërish nuk u paraqit, duke e parë shfaqjen parlamentare nga ekrani. Madje Enkelejd Alibeaj kishte parë edhe situata dashurie mes socialistëve dhe demokratëve.

Nuk heq dorë nga karrigia e bashkëkryetarit, por Alibeaj premton se nuk do t’i japë primin mazhorancës.

Gjiknuri duket se ka hequr dorë nga mbledhja me prani fizike të deputetëve, pasi komisioni është thirrur online të premten në orën 10:00.  

A2 CNN Livestream

Ditari nga Erion Dushi