Kreu i Kuvendit Niko Peleshi thekson se protesta duhet të mbrohet nga ata që duan ta instrumentalizojnë.
Teksa shpërndan postimin e Ramës, ku publikohet dokumenti që tregon se Dritan Goxhaj s’ka pranuar të luftojë për UÇK, Peleshi thekson se kjo luftë është e shenjtë dhe s’duhet të përdoret për mjet presioni ndaj institucioneve.
Kryeparlamentari vë në dukje se është detyrë e të gjithëve të imunizohemi nga manipulatorët e historisë.
POSTIMI
Protesta është e drejtë kushtetuese dhe shprehje e shëndetshme e pluralizmit demokratik.
Por pikërisht për këtë arsye, ajo meriton të mbrohet nga ata që duan ta instrumentalizojnë për axhenda të ndryshme nga thelbi i saj.
Lufta e UÇK-së është trashëgimi e shenjtë e të gjithë shqiptarëve. Ajo nuk duhet të përdoret si karburant elektoral apo mjet presioni ndaj institucioneve. Kush e përdor atë kujtesë për të penetruar në një lëvizje qytetare që nuk ka asnjë lidhje me të, nuk e nderon atë luftë.
Përkundrazi, tenton ta zhvlerësojë atë.
Interesi kombëtar, sovraniteti dhe stabiliteti nuk janë sllogane, por janë vijë e kuqe për të gjithë, përfshirë politikën dhe çdo lëvizje qytetare.
Ndaj është detyrë e të gjithëve të imunizohemi nga manipulatorët e historisë.
Ndaj ndiej për detyrim të ndaj këtë qëndrim sot.
Kosova është e shenjtë.
Shqipëria është e shenjtë.
(A2 Televizion)
A2 CNN Livestream
MUND TE LEXONI GJITHASHTU
