Mandati i Ahmetajt, Kuvendi i dërgon kërkesën KQZ për zëvendësimin e tij! Ja kush merr mandatin

Nga A2 CNN
10 Janar 2024, 11:35 | Politikë

Mandati i Ahmetajt, Kuvendi i dërgon kërkesën KQZ për

Kuvendi i kërkon Komisionit Qendror të Zgjedhjeve të nisë procedurën për zëvendësimin e Arben Ahmetajt. Shkresa e firmosur nga Sekretari i Përgjithshëm, Genc Gjonçaj, vë në dijeni KQZ-në se Arben Ahmetaj ka humbur mandatin për shkak të mungesës gjashtëmujore nga punimet e Kuvendit dhe kërkon zëvendësimin.

Burime nga KQZ-ja bëjnë të ditur se institucioni po përgatit aktet për njoftimin e Dallëndyshe Bicit, si e para në radhë për të marrë mandatin e Ahmetajt.

Sipas parashikimeve ligjore, Bici do të duhet të plotësojë formularin e dekriminalizimit për të përfituar mandatin e deputetes, në të kundërt, ai i kalon kandidatit tjetër në radhë, Plaren Ndreca.

Arben Ahmetaj nuk ka më mandat deputeti. Ish-zëvendëskryeministri tashmë në arrati prej gati gjashtë muajsh, për aferën e Inceneratorëve.

Mandati i Ahmetajt, Kuvendi i dërgon kërkesën KQZ për
Letra e Kuvendit drejtuar KQZ për mandatin e Arben Ahmetajt

A2 CNN Livestream

Ditari nga Erion Dushi