Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 6%
  • Kujdesi familjar 82%
  • Ndikimi i shoqërisë 12%

Përjashtimi i 19 opozitarëve, Gjekmarkaj: Mazhoranca nuk ka tagrin për të na edukuar, po na provokon

Nga A2 CNN
29 Janar 2024, 21:20 | Politikë

Përjashtimi i 19 opozitarëve, Gjekmarkaj: Mazhoranca nuk ka tagrin

Agron Gjekmarkaj komentoi në Debat në A2 CNN dhe vendimin e sekretariatit të Etikës për të përjashtuar nga punimet e Kuvendit 19 deputetë të opozitës, për incidentet në seancë dhe komisione.

Gjekmarkaj deklaron se mazhoranca është duke e provokuar opozitën, teksa ka mbyllur dhe shkelur të gjitha të drejtat e saj kushtetuese.

“Opozita po pezullohet në këtë vend, po provokohet, po i shpallet luftë nga të gjitha anët. Nuk e kuptoj përse u përjashtuan 19 deputetë sikur ne jemi një thertore, ku vriten bagëtitë. PS nuk është mësuesi, edukatori, apo që ka tagrin për të edukuar. Është rregullorja që garanton barazi. Ata kanë marrë dhe të drejtën tonë. Përjashtimi është një provokim.

E do opozitën jashtë parlamentit. Ne kemi qenë të shtrënguar të reagojmë pasi jemi provokuar. Është ndërhyrë në punët e brendshme të partisë. Është mbyllur dera për komisionet parlamentare. E çfarë i mbetet opozitës, të pijë kafe në Kuvend? Ne jemi detyruar të reagojmë pasi nuk kemi rrugë tjetër”, tha Gjekmarkaj në A2 CNN.

A2 CNN Livestream

Ditari nga Bruna Çifligu