Një protestë ndaj një elite të konsumuar, të kompromentuar, të korruptuar dhe të bërë karikaturë. Kështu e lexon protestën gazetari Lutfi Dervishi sipas të cilit kjo është revolta e brezit të ri por që nuk ka reflektim nga qeveria.
“Kjo është revolta e këtij brezi thotë që nuk kam asnjë lidhje me ju. Nuk duan të shohin televizorin, nuk duan të dëgjojnë intelektualët që janë përzgjedhur në Kuvend prej tyre të famshëm dhe kërkojnë diçka të re të cilën nuk po e si të thuash artikulojnë dot në sensin e kanalizimit të energjisë për të prodhuar diçka të re. Se kërkojnë një vend tjetër, nuk kërkojnë këtë lloj vendi dhe është pamundësia e njerëzve për të jetuar”.
Në Off the Record me Andrea Dangllin në A2 CNN ai tha se qeveria është kapur në befasi pas ngjarjes në Zvërnec.
“Qeveria është kapur në befasi. Jo se nuk e kuptoi çfarë po ndodhte, ndoshta kryeministri ka qenë i pari që e ka kapur tërmetin që do të pasonte, sepse veprimi i menjëhershëm i shkarkimit të drejtorit të policisë, arrestimit të këtyre personave, heqjes së gardhit, pra brenda 24 orësh, ka ndjerë që ky është një vullkan që nuk mund ta mbash dot. Sepse çfarë treguan ato nuk ishte episod. Ai tregoi një mentalitet që policia e shtetit është e nënshtruar para disave të quajtur shteti. Pra në prezencë të oficerëve madhorë të policisë të tërhiqet zvarrë një person. Ky nuk është një incident, është mendësi dhe mentalitet i krijuar”, u shpreh Dervishi.
Sipas tij, kjo ndodh sepse qeverisë i ka dalë një audiencë e re që po e mund me meme, një audiencë globale, por edhe një audienca e njerëzve që kanë pasur një status në PS dikur, të cilët po artikulojnë një pakënaqësi.
“Qeveria është kapur në befasi për shkak sepse është mësuar të luajë futbollin në një fushë jo të barabartë me opozitën. Domethënë ta zgjerojë fitoren në zgjedhje me administratë, me krimin, me të gjitha asetet që ka deri në pikën që edhe në Ibari shtohet si kërkesë që zgjedhjet kujdes tani se duhen bërë një çik të rregullta. Edhe duke thënë bufi, nonata e shkuar e tjerë e tjerë dhe ka qenë një lojë e lehtë për të. Tashmë i ka dalë një audiencë e re që po e mund edhe me meme. Pra është një audiencë e re që nuk di se çfarë të bëjë me të. I ka dalë dhe një audiencë tjetër e befasishme që është audienca globale dhe ndihet nën rrethim. Plus që ka dalë dhe audienca e njerëzve që kanë pasur një status në PS dikur, të cilët për motive personale ose jo shikohet që janë po artikulojnë një pakënaqësi. Pra tregon që PS-ja sot ka një luftë në disa fronte dhe mënyra më e mirë që ka zgjedhur është t'i bëjë veting protestuesve dhe po të ishte bërë veting drejtorëve të administratës me këtë vendosje lupe; kush është ky person, ku ka qenë, çarë ka bërë e tjerë e të tjerë, ndoshta do nuk do të kishin dalë njerëzit në shesh”, tha Dervishi.
Përpos këtyre Dervishi kritikoi edhe mungesën e reflektimit të institucioneve si Kuvendi ndaj kërkesave të protestuesve.
“Shiko Kuvendin. Pra duket sikur Kuvendi vazhdon i ngjan astrologëve të Kostandinopojës që kur digjej Kostandinopoja shikonin yjet se atë punë kishin. Dhe këto vazhdon procesi, u mblodh komisioni, po diskutojmë. Këtë e kaluam dhe këtë e bëjmë këtë tjetër. Një kuvend normal një parti politike normale, madje një opozitë të themi efikase dhe e shpejtë do të kishin në rendin e ditës këta njerëz për çfarë kanë dalë si mund të zgjidhet kjo gjë çfarë kemi për të reflektuar se nuk mund t'i thuash këtyre të rinjve domethënë që janë agjentë të Iranit dhe periudha tjetër gjë është më e rrezikshme është kjo. Çfarë lidhje kanë UÇK-ja, UÇPMB-ja, ku di me këtë histori njerëzit që mund të kenë ardhur nga Kosova mund të jenë më pak se 1%. Po është turp që 99% e diskursit televiziv dhe postim në rrjetet sociale të jenë për UÇK-në dhe për Kosovën. Kjo është që të përdorësh patriotizmin dhe të bëhesh batakçi. Çfarë lidhje ka domethënë një protestues nga Tetova që mund të vijë a nga Prishtina me njerëzit që kanë dalë në shesh dhe të mos harrojmë që një pjesë e tyre mund të jenë dhe shtetas i Shqipërisë”. (A2 Televizion)
A2 CNN Livestream
MUND TE LEXONI GJITHASHTU
