Sondazh: Sa prezent është aktiviteti fizik në përditshmërinë tuaj?
  • Çdo ditë 46%
  • Tre herë në javë 18%
  • Vetëm në fundjavë 4%
  • Asnjëherë 32%

Vazhdon aksioni i opozitës, Noka: Sadushi i Gjykatës së Lartë në festën e PS

Nga A2 CNN
24 Janar 2024, 15:22 | Politikë

Aksioni i opozitës do të vazhdojë, deklaroi Flamur Noka në përfundim të mbledhjes së grupit parlamentar të PD. Para gazetarëve, ai tregoi disa fotografi të kreut të Gjykatës së Lartë, Sokol Sadushi, për të cilin tha se vendoste kurora në një festë të Partisë Socialiste. Noka këtë e cilësoi provën e kapjes politike të drejtësisë.

“Për sa kohë nuk ka asnjë ndryshim nga fronti i bandës në pushtet nga opozita do të ketë përshkallëzim të aksionit, u diskutua për të gjetur format e përshkallëzimit të këtij aksioni me bandën në pushtet nuk ka asnjë formë tjetër veç mosbindjes civile. Shikoni ku ka shkuar shteti shqiptar ku këtu është kreu i gjykatës së lartë, pioner i Enverit.  Drejtësia e re politike drejtohet nga pionierët e Enverit, ja shikoni edhe këtë tjetër në festën e PS-së. Me shallin e pionierit të Enverit. Përveç skapit të partisë këta s’kanë turp e frikë të maskohen, por dalin ashiqare se janë vegla të partisë dhe regjimit. Siç e dini ka një vendim të KLGJ-së që miraton kodin e Etikës të firmosur nga zonja Llagami si kryetare dhe në kapitullin e dytë pika 6 gërma b citon që gjyqtari duhet t’i shmanget sjelljeve që krijojnë përshtypjen se është i angazhuar politikisht. Po e reklamojnë si vlerë të shtuar të tyre angazhimin politik . Ky është pushteti, regjimi dhe drejtësia e re është vegël”.

A2 CNN Livestream

Ditari nga Erion Dushi