Sondazh: Sa prezent është aktiviteti fizik në përditshmërinë tuaj?
  • Çdo ditë 45%
  • Tre herë në javë 18%
  • Vetëm në fundjavë 9%
  • Asnjëherë 27%

Si të dallojmë gripin nga COVID? Mjekja: Raste të shtuara në janar, të prekura edhe moshat e reja

Nga A2 CNN
9 Janar 2024, 10:05 | Sociale

Si të dallojmë gripin nga COVID? Mjekja: Raste të shtuara në

Me festat e fundvitit janë shtuar edhe rastet me grip. Në një intervistë në “Dita jonë” në A2 CNN, Violeta Koçorri, mjeke familjeje në qendrën shëndetësore numër 8 në Tiranë, tha se janari ka regjistruar raste të shtuara. Sa i përket simptomave të shfaqura, dominon temperatura e lartë.

“Rastet janë shtuar në janar, por ka qenë edhe nëntori dhe dhjetori, festat kanë bërë të tyre dhe rastet janë shtuar, ka pasur edhe COVID dhe virozë respiratore. Rastet e COVID janë më të pakta se virozat respiratore. Shenjat kanë qenë nga më të ndryshmet, kanë prevaluar temperatura 39-40, me ethe, dhimbje fyti dhe dhimbje të forta koke”, u shpreh mjekja.

Duke qenë se simptomat e gripit janë të ngjashme me COVID, mjekja tregoi se si bëhet diferenca.

“Simptomat janë pak a shumë të ngjashme, ne diagnozën diferenciale e bëjmë duke u testuar dhe duke u testuar në periudhën e inkubacionit, pra për COVID 3-5 ditë minimalja dhe më pas diagnozën respiratore duke bërë diferencën më anë të testimit. Ne mjekojmë shenjat, pra nëse një person del negativ me COVID, atëherë ne mjekojmë shenjat”, shtëpi ajo.

 Megjithatë, mjekja thekson se nuk duhet marrë menjëherë antibiotikë.

“Është gjendje virale, që nuk duhen marrë antibiotikë që në ditët e para”, tha ajo.

Në qarkullim janë disa viruse, bëri me dije doktoresha, e për pasojë, është vënë re se janë prekur të gjitha grupmoshat, përfshirë këtu edhe të rinjtë, që mendohej se kanë pasur një imunitet më të fortë krahasuar me fëmijët apo të moshuarit gjatë kohës së COVID.

“Është vënë re që janë paraqitur të gjitha moshat dhe moshat e reja, por edhe të moshuarit, shumë, sepse janë në kontakt dhe me fëmijët dhe janë transmetuar. (...)Fëmijët në moshën deri 2 vjeç ka pasur raste të shumta se po qarkullon një virus që prek fëmijët, arrin deri në Bronchopneumonia, në qarkullim janë disa viruse”, tha ajo.

Vaksina e gripit, por edhe ajo e COVID po ofrohet në qendra shëndetësore, dhe për mjeken në rast se një pacient nuk ka shfaqur simptoma, mund ta bëjë për të forcuar dozën e imunitetit. Sa i përket maskës, ajo e sheh si një zgjedhje individuale, por thekson se ka funksion mbrojtës dhe do ishte shumë mirë në rast se do të përdorej në ambiente të mbyllura, spitale apo qendra shëndetësore.

“Vaksinën e gripit e shoh me shumë pozitivitet, ka mbrojtur shumë dhe akoma janë në kohë, ato që nuk janë prekur nga gripi, mund të bëhet edhe tani. Mund të kryhen të dyja vaksinat, edhe të COVID dhe të gripit. Maska është individuale, maska mbron, nuk duhet prekur me duart e papastra sigurisht, sidomos në ambiente të brendshme, qendra shëndetësore, apo spitale, maska duhet mbajtur sepse mbron”, shtoi doktoresha.

Në fund, ajo pati një mesazh për të gjithë qytetarët, që t’i drejtohen mjekut që në ditën e parë që shohin simptoma si lodhje të pashpjegueshme, dhimbje fyti etj.

A2 CNN Livestream

Ditari nga Denisa Pasholli