Spanja mposht Italinë dhe siguron kualifikimin, shpresë për Shqipërinë

Nga A2 CNN
20 Qershor 2024, 21:54 | Live Euro 2024

Spanja mposht Italinë dhe siguron kualifikimin, shpresë për

Spanja është kombëtarja e dytë që siguroi një biletë për në fazën tjetër teksa mundi 1-0 Italinë. “Furia e kuqe” dominoi takimin që në pjesën e parë, por nuk gjeti saktësinë duke bërë që 45 minutat e para të mbylleshin me rrjeta të paprekura.

Me fillimin e fraksionit të dytë, italianët i tradhtoi dhe fati dhe pas një devijimi të lehtë të Calafiorit, spanjollët kaluan në avantazh në minutën e 55.

Edhe pas këtij goli, iberikët qëndruan në sulm për të shënuar dhe më shumë. Trajneri Spalletti aktivizoi Zaccagni dhe Reteguin në vend të Chiesa-s dhe Scamaca-s, por asgjë nuk ndryshoi.

Llogaritë në grup mbeten të hapura, Spanja në vendin e parë me 6 pikë, Italia në të dytin me 3 pikë, Shqipëria dhe Kroacia në vendin e tretë dhe të katërt me 1 pikë secila. Gjithçka do të vendoset në ndeshjet e të hënës Spanjë-Shqipëri dhe Itali-Kroaci.     

 

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli 2024