Të gjithë në dispozicion për dy ndeshjet vendimtare të Nations League. Trajneri Sylvinho nuk është kursyer dhe i ka grumbulluar të gjithë futbollistët e mundshëm për sfidat e nëntorit.
Në listë janë përfshirë 28 lojtarë, ku menjëherë bie në sy prezenca e katër portierëve. Nga Strakosha, te Kastrati, Sherri dhe Simoni. Lajmi i mirë në mbrojtje është rikthimi i kapitenit Berat Gjimshiti, teksa në skuadërështë përfshirë edhe Marash Kumbulla, pavarësisht dëmtimit në derbin Espanjol-Barcelona.
Gjendja e këtij të fundit do të vlerësohet nga stafi mjekësori kuqezinjtë. Rikthime ka edhe në mesfushë, aty ku spikat prezenca e Keidi Bares, një lojtar që prej emërimit të Sylvinhos e kishte humbur vendin në skuadër. Të gjithë lojtarët e tjerë janë në dispozicion, duke përfshirë edhe Kristjan Asllanin që luajti me Interin në fitoren kundër Arsenalit në Champions.
Në sulm mungon sërish Armando Broja, që nuk i’a doli të rikuperohej në kohë. Lajm i mirë është grumbullimi i Rey Manajt, gjendja e të cilit do të vlerësohet nga stafi teknik pas lëndimit të pësuar. Në ditët në vijim do të kuptohet nëse bomberi mund të jetë në fushë me Kombëtaren.
I rikuperuar është edhe Tuci, ndërsa në sulm janë edhe Uzuni, Daku dhe Muçi. Grumbullimi i lojtarëve do të nisë të dielën në Tiranë me futbollistët që do të përfundojnë më herët impenjimet me ekipet e tyre, ndërsa përgatitjet zyrtare nisin të hënën.
Shqipëria luan më 16 nëntor me Republikën Çeke dhe në datën19 ka duelin përballë Ukrainës. Të dy ndeshjet luhen në Arenën Kombëtare dhe me 6 pikë hipotetike, kuqezinjtë mund të fitojnë grupin B1 të Nations league. (A2 Televizion)
A2 CNN Livestream
MUND TE LEXONI GJITHASHTU
