Kaos në Kukës, tifozët futen në fushë pas golit të Erzenit, sulmohen dhe arbitrat

Nga A2 CNN
25 Shkurt 2024, 16:08 | Futboll

Kaos në Kukës, tifozët futen në fushë pas golit të

Momente kaosi në sfidën mes Kukësit dhe Erzenit në “Kukës Arena”, me tifozët që u futën në fushë pas golit të përmbysjes nga ana e Zekës për shijakasit.

U detyrua menjëherë ndërhyrja e forcave të rendit, që gjithashtu tentuan të mbronin dhe arbitrat, me këta të fundit që u sulmuan. Kjo gjë solli ndërprerjen e sfidës, me arbitrat dhe lojtarët që iu drejtuan dhomave të zhveshjes. - VIDEO

Erzeni ka mposhtur me përmbysje Kukësin në një “finale” mbijetese të luajtur në “Kukës Arena”, me rezultatin 1-2, e vlefshme për javën e 25-të të Superiores.

Ishin vendasit që kaluan në avantazh në pjesën e parë me anë të Salamit në minutën e 31’, teksa përmbysja e madhe erdhi në pjesën e dytë me Kahrimanoviç dhe Zekën që shënuan në harkun e 4 minutave, gjë që solli më pas dhe kaosin në lojë, në minutën e 64’.

Kukësi vazhdon në vendin e fundit, që mori një “shuplakë” të dyfishtë, ku rrezikon dhe dënimin pas sjelljes së gabuar të tifozëve. Nga ana tjetër, Erzeni shpreson te mbijetesa, duke u ngjitur në vendin e tetë me 26 pikë.

A2 CNN Livestream

Ditari nga Bruna Çifligu