Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 6%
  • Kujdesi familjar 82%
  • Ndikimi i shoqërisë 12%

Shqiptari përleshet me serbin, kaos në ndeshjen e superligës në Kroaci

Nga A2 CNN
27 Nëntor 2023, 18:04 | Futboll

Shqiptari përleshet me serbin, kaos në ndeshjen e superligës

Ndeshja ishte e vlefshme për kampionatin kroat, por protagonistë u bënë një shqiptar dhe një serb.

Emir Sahiti përveçse shënoi golin e parë për Hajduk Split përballë Istra-s, në triumfin 0-2 në transfertë të ekipit të tij, mori vëmendjen pas një episodi të ndodhur në minutën e 27-të.

Sulmuesi shqiptar pas një kontakti me lojtarin serb, Mladen Devetak, u përplas edhe fizikisht me të.

Në këtë incident gjatë sfidës u përfshinë edhe futbollistë të tjerë, si Ante Erceg dhe Marko Livaja, që është kapiteni i Hajdukut.

Sahiti dhe Devetak ia hodhën paq nga kaosi që krijuan në fushë dhe situata u qetësua nga arbitri, por i vetmi që e pësoi ishte Livaja që u ndëshkua me karton të verdhë.

Por tensione dhe përplasje pati edhe pas sfidës, ku disa tifozë janë përleshur me sigurimin.

Hajduk Split kryeson kampionatin kroat me 36 pikë dhe ndeshja e radhës është ndaj Goricës, në shtëpi.

A2 CNN Livestream

Ditari nga Bruna Çifligu