Edhe pse do të luajë supersfidën e titullit në Premier Ligë kundër Mançester Sitit, Liverpuli nuk i kurseu energjitë. Skuadra e Jurgen Klop mbylli çdo diskutim përballë Spartës së Pragës, duke fituar 5 me 1 prej ndeshjes së parë të luajtur në Republikën Çeke. Ekipi ku kuqezinjtë Qazim Laçi dhe Indrit Tuci u aktivizuan nga stoli nuk mund të bënte asgjë përballë forcës së “Reds”.
Goleada nisi me rrjetën e minutës së pestë nga Mek Alister, teksa Darvin Nunjez dyfishoi me një goditje spektakolare nga jashtë zonës. Sulmuesi portugez realizoi edhe golin e tretë në shtesën e pjesës së parë, duke mbyllur virtualisht ndeshjen.
Gjithsesi, vuajtjet e Spartës së Pragës nuk përfunduan me kaq, sepse pas autogolit të Bredli, Liverpuli shënoi edhe me Diaz e Sobozlai, duke hipotekuar kualifikimin në çerekfinale dhe konfirmuan se anglezët janë favoritë për fitimin e trofeut. (A2 Televizion)
A2 CNN Livestream
MUND TE LEXONI GJITHASHTU
