Një 50-vjeçar shqiptar është arrestuar nga karabinierët në Bologna në Itali, pasi theu masën e sigurisë “arrest shtëpie”. Atij iu caktua kjo masë sigurie pasi akuzohet për dhunë në familje, për arsye se, në muajin maj u padit nga bashkëshortja.
Disa javë më parë, ai kërkoi ndërhyrjen e policisë italiane, të cilët sapo mbërritën në shtëpinë e tij, u kërkoi që ta qëllonin në kokë, sepse nuk kishte më dëshirë të vazhdonte arrestin shtëpiak.
Mediat italiane shkruajnë se ai u bëri kërkesën e pazakontë karabinierëve, me arsyetimin se nuk kontrollonte dot instinktet e tij agresive dhe do të dhunonte nënën e moshuar dhe djalin.
50-vjeçari ka shfaqur sërish sjellje të papërshtatshme ndaj familjarëve të tij, pavarësisht masës së sigurisë të 4 muajve më parë.
Kjo ka nxitur Gjykatën të pranojë kërkesën e Prokurorit të Republikës së Bolonjës duke i caktuar masën e sigurisë arrest me burg ndaj 50-vjeçarit, i cili tashmë ndodhet pas hekurave. (A2 Televizion)
A2 CNN Livestream
MUND TE LEXONI GJITHASHTU
