SPAK ka njoftuar këtë të hënë përfundimin e hetimeve për dosjen e Bashkisë Fushë-Arrëz, që ngarkon me përgjegjësi penale ish-drejtuesin e saj Fran Tuci.
Ish-kryebashkiaku, së bashku me ish-administratorin e njësisë Iballë, Ndoc Marku dhe administratorin e një firme private, Durim Margjekajn akuzohen për dëmtimin e një pylli, në mënyrë që ti hapnin rrugë ndërtimit të një aksi rrugor pa leje.
Prokuroria e Posaçme bën me dije se ka arritur të provojë se në bashkëpunim me njëri-tjetrin, Tuci dhe Marku kanë shkaktuar gati 2,2 milionë euro dëm, duke shpyllëzuar fondin pyjor në pronësi të Bashkisë Fushë-Arrëz.
"Me veprime dhe mosveprime të kundërligjshme të cilat përbëjnë mospërmbushje të rregullt të detyrës, kanë sjellë si pasojë të drejtpërdrejtë dëmtimin e rëndë (vlerësuar në 234,007,500 lekë) të pasurisë së llojit “fond pyjor” dhe terrenit përkatës, regjistruar në zyrën kadastrale në emër të Bashkisë Fushë Arrëz“, thuhet në njoftimin e SPAK.
Sakaq biznesmeni Durim Margjekaj, në cilësinë e administratorit të firmës “Legjendari” sh.p.k. “me dashje të plotë dhe të drejtpërdrejtë ka kryer punime ndërtimi infrastrukture pa lejen përkatëse duke sjellë pasoja të rënda në pasurinë e llojit “fond pyjor” në pronësi të bashkisë Fushë Arrëz”.
Në përfundim të hetimeve paraprake të procedimit penal nr. 67 të vitit 2023, Prokuroria e Posaçme kundër Korrupsionit dhe Krimit të Organizuar ka paraqitur para Gjykatës së Posaçme të Shkallës së Parë për Korrupsionin dhe Krimin e Organizuar (në datën 16.08.2023) kërkesën për gjykim në ngarkim të pandehurve:
1. Fran Tuci, akuzuar për veprën penale veprën penale të “Shpërdorimi i detyrës”, kryer në bashkëpunim, parashikuar nga neni 248 e 25 i Kodit Penal;
2. Ndoc Marku, akuzuar për veprën penale veprën penale të “Shpërdorimi i detyrës”, kryer në bashkëpunim, parashikuar nga neni 248 e 25 i Kodit Penal;
3. Durim Margjekaj, akuzuar për veprën penale të “Ndërtimi i paligjshëm”, parashikuar nga neni 199/a pgf 4 i Kodit Penal.
Njoftimi i SPAK
Segmenti i ri rrugor, rreth 1,8 km i gjatë dhe 5 metër i gjerë për të cilin akuzohen tre të pandehurit ka cënuar fondin pyjor dhe çuan në arrestimin e tyre, pasi dëmi u përllogarit nga IKMT e Shkodrës, pas inspektimit të kryer në terren. Ndonëse pa leje, në punimet për hapjen e rrugës së re është vepruar në terren me mjete të rënda, duke shkatërruar pronën shtet dhe duke kryer gërmime në volume të konsiderueshme. (A2 Televizion)
A2 CNN Livestream
MUND TE LEXONI GJITHASHTU
