Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 11%
  • Kujdesi familjar 84%
  • Ndikimi i shoqërisë 5%

Nis viti i ri akademik, 19 mijë studentë për herë të parë në auditorë

Nga A2 CNN
2 Tetor 2023, 08:07 | Aktualitet
Nis viti i ri akademik, 19 mijë studentë për herë të

Sot fillon viti i ri akademik, ndërsa rreth 19 mijë studentë pritet të ulen për herë të parë në auditorët e universiteteve publike dhe private të vendit.

Këtë vit, nis aplikimi i masës së vendosur nga qeveria për 400 studentët e Mjekësisë së Përgjithshme, të cilën e kanë tashmë të detyruar qëndrimin dhe punën në atdhe, 5 vjet pas studimeve.

Për studentët e viteve më të larta, kushti është për më pak vite, në të kundërt do të paguajnë tarifën e plotë të shkollimit.

Studentët që zgjedhin degët prioritare, mësuesi, bujqësi do të financohen çdo muaj me bursë në vlerën e pagës minimale. Kjo bursë do të jepet gjatë gjithë viteve të studimeve të larta, pavarësisht rezultateve të studentit.

Pas përfundimit të universitetit, studentët e degëve prioritare duhet të punojnë të paktën 3 vite në atdhe.

Një nga sfidat e universiteteve shqiptare është përafrimi i programeve me ato të universiteteve europiane. Por duket se jemi ende shumë larg universiteteve europiane.

Këtë e tregojnë edhe vlerësimet e fundit të bëra nga dy renditësit më të rëndësishëm të universiteteve në botë.

Sipas klasifikimit të tyre, katër universitete shqiptare, ai i Tiranës, Universiteti Bujqësor, i Durrësit dhe Universiteti Politeknik, kanë rënë me 200 vende nga renditja e vitit të kaluar. Ndërsa më të mirët në rajon vlerësohen 3 universitete në Serbi, 2 në Bosnjë dhe 1 në Maqedoni.

A2 CNN Livestream

Ditari nga Erion Dushi