Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 13%
  • Kujdesi familjar 83%
  • Ndikimi i shoqërisë 5%

Mbi 1300 të vrarë nga të dyja palët, nis rrethimi i plotë i Gazës, Izraeli thërret 300 mijë rezervistë

Nga A2 CNN
9 Tetor 2023, 14:47 | Bota
Mbi 1300 të vrarë nga të dyja palët, nis rrethimi i

Konflikti mes Izraelit dhe militantëve palestinezë të Hamas po merr përmasa gjithmonë e më të mëdha.

Ministria e Mbrojtjes e shtetit hebre ka urdhëruar ushtrinë që të kryejë një rrethim të plotë të Rripit të Gazës, ndërsa luftimet nuk kanë ndaluar.

“Nuk do të ketë elektricitet, as ushqim apo karburant. Do të jetë gjithçka e mbyllur”, u shpreh ministri Yoav Gallant. “Po luftojmë me njerëz kafshëror dhe po veprojmë në përputhje me rrethanat”, shtoi ai.

Ushtria izraelite ka urdhëruar mobilizimin e 300 mijë rezervistëve në 48 orët e fundit pas shpalljes së luftës. “Lideri i Hamasit është një njeri i vdekur”, thanë krerët e ushtrisë izraelite.

Sulmet me raketa të Hamas kundër Izraelit po vazhdojnë, me qindra të tilla të lëshuara në orët e fundit, ndërsa janë dëgjuar shpërthime edhe në Jeruzalem.

Izraeli njoftoi rimarrjen e kontrollit mbi komunitetet e tij pranë Gazës, por disa militantë mbeten ende aktivë në zonë. Bilanci i jetëve të humbura është tepër tragjik, nga të dyja palët. Mbi 800 njerëz janë vrarë në Izrael dhe mijëra të tjerë përfunduan të plagosur apo lënduar.

Autoritetet e shtetit hebre raportojnë për qindra njerëz të rrëmbyer nga militantët e Hamas dhe se po punojnë për lirimin e tyre. Mbi 500 palestinezë kanë humbur jetën në Gaza, pas kundërpërgjigjes së ashpër ajrore të Izraelit.

OKB-ja ka deklaruar se sulmet ajrore hakmarrëse të Izraelit kanë zhvendosur 123 mijë palestinezë në Gaza dhe afro 74 mijë kërkojnë strehim në shkolla.

Spitalet në Gaza janë tejmbushur dhe po përballen me ndërprerjet e energjisë elektrike. Zyrtarët amerikanë presin që Izraeli të nisë një inkursion tokësor në Gaza brenda 48 orëve të ardhshme.

A2 CNN Livestream

Ditari nga Erion Dushi