Lista Serbe është e gatshme të marrë pjesë në zgjedhjet e reja komunale në veriun e Kosovës. Është kryetari i partisë, Goran Rakiç që e konfirmoi diçka të tillë për mediat, pak pasi presidenti Aleksandër Vuçiç u bëri thirrje serbëve të Kosovës të ndërmarrin hapa mbajtjen e zgjedhjeve të reja në Mitrovicën Veriore, Zveçan, Leposaviq dhe Zubin Potok.
Rakiç deklaroi se partia më e madhe e serbëve në veri, e cila ka mbështetjen e Beogradit, e mori vendimin në bashkërendim me presidentin Vuçiç.
Sipas tij, topi është zhvendosur tani në fushën e Prishtinës, dhe se pret që në komunat veriore të Kosovës të shpallen së më parë zgjedhjet e reja.
“Më duhet të them se duhet të jemi të bashkuar dhe në këto kushte të pamundura të përpiqemi të jemi krijues të fatit tonë dhe të mbrojmë njerëzit. Gjithmonë kemi marrë vendime politike në interes të qytetarëve, duke mos parë nëse ata po nxjerrin pikë politike.”
Katër komunat me shumicë serbe në veri, Mitrovicë e Veriut, Zveçan, Zubin Potok dhe Leposaviq, udhëhiqen tani nga kryetarët shqiptarë. Ata e morën detyrën pas zgjedhjeve të prillit, të bojkotuara dhe kundërshtuara ashpër nga serbët lokalë, duke shkaktuar tensionim të situatës.
Kosova, e përballur me masa ndëshkuese nga BE-ja, ka pranuar të riorganizojë zgjedhjet e reja, por kërkon ta bëjë këtë vetëm përmes një udhëzimi administrativ që u mundëson qytetarëve të shkarkojnë kryetarët e komunave përkatëse përmes një peticioni.
Në një deklaratë më herët gjatë ditës, presidenti Vuçiç u kërkoi qytetarëve serb në veriun e Kosovës të dalin me iniciativa për të organizuar zgjedhjet në këto katër komuna sa më shpejt. Më përpara ka refuzuar kategorikisht, largimin e kryetarëve me peticion duke kërkuar vetëm dorëheqjen e tyre. Vuçiç shtoi se kjo duhet të bëhet në mënyrë që levat bazë të qeverisjes të jenë në duart e serbëve që jetojnë në veri të Kosovës. (A2 Televizion)
A2 CNN Livestream
MUND TE LEXONI GJITHASHTU
