Sondazh: Të bëhesh i pasur në Shqipëri është:
  • E lehtë 0%
  • E vështirë 80%
  • E pamundur 20%

Fitoi në zgjedhjet e pjesshme në Kukës, Albert Halilaj merr zyrtarisht detyrën, bën betimin: Privilegj dhe përgjegjësi

Nga A2 CNN
16 Tetor 2023, 10:58 | Politikë
Fitoi në zgjedhjet e pjesshme në Kukës, Albert Halilaj merr

Fituesi i zgjedhjeve të pjesshme të 24 shtatorit, Albert Halilaj, mori sot zyrtarisht drejtimin e bashkisë së Kukësit në 4 vitet e ardhshme.

Në fjalën e tij pas betimit, Halilaj tha se në 4 vitet e ardhshme do të bëjmë më shumë për zhvillimin e Kukësit, ku çdo problem i qytetarëve do të marrë zgjidhje për të bërë bashkë Kukësin që qytetarët duan.

“Privilegj dhe përgjegjësi që për 4 vitet e ardhshme t’i ofrojmë kuksianëve shërbim cilësor, të drejtë dhe të barabartë”, tha ai.

Ceremonia e betimit u bë me pjesëmarrjen e drejtuesit politik të PS-së për qarkun e Kukësit, Pandeli Majko dhe Blendi Klosit, Sekretar Organizativ i PS-së.

Albert Halilaj mori 13025 vota, ndërsa Emri Vata, kandidati i koalicionit “Bashkë Fitojmë” 7431 vota, me një pjesëmarrje prej 45.63%. Kandidati i PS siguroi fitoren e 24 shtatorit me diferencë prej 5594 votash, ndërsa Partia Demokratike zyrtare zgjodhi që të mos dalë me kandidat.

A2 CNN Livestream

Ditari nga Bruna Çifligu