Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 10%
  • Kujdesi familjar 80%
  • Ndikimi i shoqërisë 10%

3 turiste nga Maqedonia rrezikojnë të mbyten në Golem, 2 prej tyre rëndë në spital

Nga A2 CNN
19 Gusht 2023, 20:44 | Aktualitet
3 turiste nga Maqedonia rrezikojnë të mbyten në Golem, 2 prej

3 turiste nga Maqedonia e Veriut kanë rrezikuar të mbyten në plazhin e Golemit. Ngjarja ka ndodhur pasditen e kësaj të shtune, ku mësohet se menjëherë atyre i është dhënë ndihma e parë nga pushuesit e tjerë, roja bregdetare dhe efektivët e Policisë Kavajë që ishin me shërbim në vijën bregdetare.

Të trija janë dërguar në spital, por 2 prej tyre janë në gjendje të rëndë.

Më konkretisht, referuar njoftimit zyrtar të policisë së shtetit thuhet se shtetasja Sh. A., 48 vjeçe, ndodhet jashtë rrezikut për jetën, ndërsa shtetasja K. A., 66 vjeçe  dhe shtetasja tjetër, ende e paidentifikuar, rreth 60 vjeçe, janë në gjendje të rëndë.

"Kavajë/Informacion paraprak

Pasditen e sotme, në plazhin e Golemit, duke notuar, kanë rrezikuar të mbyten në det, 3 shtetase nga Maqedonia e Veriut.

Menjëherë i është dhënë ndihma e parë nga pushuesit e tjerë, roja bregdetare dhe efektivët e Policisë Kavajë që ishin me shërbim në vijën bregdetare.

Të trija këto shtetase janë dërguar në Spitalin Rajonal Durrës, për ndihmë mjekësore.

Shtetasja Sh. A., 48 vjeçe, ndodhet jashtë rrezikut për jetën, ndërsa shtetasja K. A., 66 vjeçe dhe shtetasja tjetër, ende e paidentifikuar, rreth 60 vjeçe, janë në gjendje të rëndë.

Grupi hetimor po punon për zbardhjen e rrethanave të ngjarjes".

Njoftimi i Policisë së Shtetit

A2 CNN Livestream

Ditari nga Bruna Çifligu