Amerikanët i përgjigjen paradës kineze, testojnë predhën moderne në Paqësor

Nga A2 CNN
4 Tetor 2019, 12:32 | Bota
Amerikanët i përgjigjen paradës kineze, testojnë

Ndërkohë që në Kinë po mbahej parada ku u demonstruan disa nga armatimet më moderne të ushtrisë së vendit komunist, me rastin e 70-vjetorit të themelimit, Marina e Shteteve të Bashkuara testoi predhën më të re në oqeanin Paqësor, aty ku tensionet mes dy shteteve janë rritur ndjeshëm prej kohësh.

Në ujërat e Guamit, anija luftarake amerikane “USS Gabrielle Giffords” lëshoi Predhën Goditëse Detare (NSM), e cila është pikaset me vështirësi nga radarët dhe mund të manovrojë për të shmangur sistemet mbrojtëse të armikut. Në testimet e kryera u lëshuan edhe predha të tjera, nga anije të tjera luftarake të vendosura aty nga SHBA.

https://youtu.be/GSdPBxILCTc

Lëvizja e amerikanëve shihet si kundërpërgjigje për vendosjen e gjithmonë e më shumë armatimeve nga ana e kinezëve në Paqësor, sidomos në detin e Kinës Jugore, një nga zonat më të kontestuara në botë. Vende të shumta pretendojnë të kenë përparësi në rajonin e ngarkuar me rrugë tregtare, por Pekini këmbëngul se ka përparësi në pjesën dërrmuese të tij, madje ka ndërtuar edhe ishuj artificial që të rrisë rrezen e ndikimit.

https://a2news.com/2019/10/01/parada-kineze-pekini-tregon-muskujt-me-armet-e-reja/

A2 CNN Livestream

Ditari nga Denisa Pasholli