Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

Ankth për Ditën e Shën Valentinit? Ja si ta kapërceni

Nga A2 CNN
13 Shkurt 2024, 12:30 | Lifestyle

Ankth për Ditën e Shën Valentinit? Ja si ta kapërceni

Dita e Shën Valentinit është një festë që dhe në mënyrë paradoksale shkakton gjendje ankthi në të dyja rastet; edhe nëse e doni, apo e urreni.

Ata që e duan ditën e Shën Valentinit tashmë po mendojnë se si ta bëjnë shtëpinë dhe/ose ditën e tyre mjaftueshëm romantike, me zemra, lule, dhurata dhe darkë.

Ata që i përkasin kampit të kundërt dhe e shohin këtë ditë si një festë komerciale, e përjetojnë atë si çdo ditë tjetër, qofshin beqarë të lumtur apo në një lidhje me dikë që mendon në të njëjtën mënyrë.

Kjo është arsyeja pse në të dyja rastet kjo festë mund të nxisë gjendje ankthi.

Ankth për t'u përgatitur, sepse do të dëshironit që gjithçka të ishte perfekte, ose ankth nga mendimi për të shmangur çdo gjë që i ngjan një zemre ose një lule.

Ju sugjerojmë disa këshilla sesi të kapërceni ankthin e Shën Valentinit.

Ta pranoni

Mund të jetë një festë e detyruar, por ekziston dhe për këtë arsye gjithçka që duhet të bëni është ta pranoni. Ankthi për mbrëmjen perfekte është legjitim por nuk keni shkopin magjik për të parashikuar ngjarje të papritura, pranoni që mund të ndodhin dhe mendoni se do t'i menaxhoni në atë moment.

Megjithatë, nëse jeni një shmangës i dashurisë, qetësoni shpirtin tuaj dhe pranoni të shihni zemrat kudo. Kush e di, në fund të ditës, mund të dëshironi të hani një çokollatë (në formë zemre).

Shijojeni

Nëse e doni 14 shkurtin, lini ankthin dhe fokusohuni tek ndjesitë pozitive që ju jep ky emocion.

Nëse, refuzoni çdo përmendje të dashurisë, kujtojini vetes se dashuria nuk është vetëm për partnerin tuaj.

Mund ta mendoni si festën ideale për të përmirësuar të dashurit tuaj (miq, të afërm, kolegë) të cilët meritojnë një ditë për të festuar lidhjen tuaj.

Ndjehuni të lirë

Nëse jeni beqarë dhe dëshironi të kapërceni një ndjenjë të mundshme trishtimi, mos ngurroni të bëni diçka që ju bën të ndiheni mirë.

Nga ana tjetër ata që janë në çift duhet të ndihen të lirë të gabojnë, të mos mendojnë për dhuratën që duhet të pëlqejnë ose të kenë organizuar darkën ideale.

Përsosmëria është vetëm një iluzion, nëse personi përballë ju intereson për lidhjen tuaj, ai do të pranojë gjithçka ashtu siç do të jetë.

Zgjidhni metodat e duhura

Nëse po organizoni darkën e Shën Valentinit (dhe ndoshta edhe për një takim të parë) dhe ankthi juaj po ndihet, dëgjojeni. Gjëja e parë që ai dëshiron t'ju thotë është të zgjidhni një vend që ju bën të ndiheni rehat me veshje që janë po aq të përshtatshme për ju.

Shmangni ekzagjerimet e panevojshme që do t'ju rrisin tensionin, jini vetvetja dhe edhe ai që keni përballë do të ndihet në vendin e duhur me personin e duhur.

A2 CNN Livestream

Debat - nga Alba Alishani