Del në ankand mozaiku psikodelik i pishinës së John Lennon

Nga A2 CNN
21 Nëntor 2023, 07:59 | Lifestyle

Del në ankand mozaiku psikodelik i pishinës së John Lennon

Një pjesë e trashëgimisë artistike të John Lennon do të dalë në ankand. Në qendër të shitjes së “Bonhams 'Rock, Pop & Film” më 29 nëntor është mozaiku ikonik “Psychedelic Eye”, i porositur nga muzikanti në vitin 1965.

Në vitin 1964, John Lennon dhe gruaja e tij e atëhershme Cynthia blenë një rezidencë në St George's Hill në Kenwood, Surrey, Mbretërinë e Bashkuar.

Për pishinën e jashtme, Lennon porositi një mozaik masiv prej 17.000 pllakash të një syri që do të shikonte lart nga muri i skajit të thellë dhe do të krijonte një efekt psikodelik.

Del në ankand mozaiku psikodelik i pishinës së John Lennon

Shtëpia në Kenwood u shit në vitin 1968 pas divorcit të çiftit, por mozaiku haluçinativ do të mbetej në pishinë deri në vitin 1984, kur u hoq nga muri i pishinës për t'u ruajtur nga pronarët e Kenwood në atë kohë.

Tani, pothuajse gjashtë dekada nga instalimi i saj, pjesa do të dalë në ankand më 29 nëntor, me një vlerësim që shtëpia e ankandeve e ka karakterizuar si "një shumë me gjashtë shifra".

"Ky mozaik monumental është një shembull i mrekullueshëm i vizionit dhe ndikimeve artistike të Beatle", tha Claire Tole-Moir, shefja e Bonhams në Londër, në një deklaratë.

A2 CNN Livestream

Ditari nga Bruna Çifligu