Sondazh: Sa prezent është aktiviteti fizik në përditshmërinë tuaj?
  • Çdo ditë 44%
  • Tre herë në javë 19%
  • Vetëm në fundjavë 4%
  • Asnjëherë 33%

Maçoku "punonjës i vitit", autoritetet e dëbuan nga marketi, mblidhen 6 mijë firma për ta rikthyer në punë

Nga A2 CNN
22 Janar 2024, 15:21 | Lifestyle

Mbi 6000 persona kanë firmosur një peticion për të rikthyer një maçok në një dyqan ushqimesh në qytetin e Zelenogradsk, në rajonin e Kaliningradit të Rusisë.

Maçoku kishte qëndruar në këtë ambient për 3 vite, por autoritetet e shëndetit kishin vendosur largimin e tij nga dyqani pasi kishin marr një ankesë anonime.

Sipas menaxheres së marketit, Tatiana  Gorbunova, maçoku i quajtur Sergei ishte strehuar aty, pasi pronarja e tij, një grua e moshuar, kishte ndërruar jetë.

“Ai erdhi tre vite më parë. Nisi që në gusht dhe ne po e ushqenim. Vinte, rrinte pak dhe largohej. Por më pas u ftoh, e po rrinte më shumë, dhe kur erdhën ngricat natyrisht, nuk mundëm ta dëbonim ndaj i bëmë një vend ku të qëndronte. Kështu nisi të qëndronte këtu tek ne. Ne i dhamë një vend pune dhe maçoku u bë punonjësi ynë”, tha menaxherja e dyqanit, Tatiana Gorbunova.

Maçoku "punonjës i vitit", autoritetet e dëbuan nga

Mediat lokale e konsiderojnë Sergein si një personazh të famshëm për zonën, kjo falë videove të shumta që janë bërë virale në rrjetet sociale. Maçoku u shfaq në disa reklama dhe një kalendar, fitoi titullin "punonjësi i vitit" dhe madje mori menaxherin e tij personal.

Pas ankesës anonime, departamenti lokal i sigurisë së konsumatorit, kërkoi nga menaxherja e marketit ta largonte maçokun, ose në të kundërt do të përballej me gjoba, paralajmërim të cilin Tatiana e kishte marr parasysh.

“E kuptuam që po shkelnim rregullat, por imorëm këto rreziqe”,

Qyteti i Zelenogradsk është i njohur për popullsinë e tij prej mbi 70 macesh endacake që jetojnë në rrugë. Banorët vendas dhe turistët inkurajohen të blejnë ushqim për ta nga makinat e posaçme shitëse dhe t'u japin një kujdes të butë dhe të dashur

A2 CNN Livestream

Ditari nga Erion Dushi