Inteligjenca artificiale mund të parashikojë stuhitë në tokë më shpejt se parashikimet tradicionale

Nga A2 CNN
14 Nëntor 2023, 18:51 | Teknologji

Inteligjenca artificiale mund të parashikojë stuhitë në

Inteligjenca artificiale mund të shpëtojë jetë duke paralajmëruar se ku një uragan do të godasë tokën shumë më shpejt sesa sistemet tradicionale të parashikimit. Sipas studiuesve një mjet i ri i Inteligjencës Artificiale nga Google DeepMind parashikoi se ku uragani Lee i shtatorit do të zbriste në Kanada tri ditë përpara metodave ekzistuese.

Parashikimet e motit janë bërë shumë më të sakta gjatë dekadave, por shpejtësia dhe aftësia e IA për të analizuar ngjarjet e kaluara për të bërë parashikime e bëjnë atë të ndryshojë rregullat e lojës, thonë shkencëtarët.

Një parashikim i saktë i motit është i dobishëm për t'ju treguar se çfarë të vishni kur dilni në mëngjes, por më e rëndësishme është që mund të na paralajmërojë për motin ekstrem si stuhitë, përmbytjet dhe valët e të nxehtit, duke u dhënë komuniteteve kohë vendimtare për t'u përgatitur.

Megjithatë, parashikimet tradicionale të motit marrin sasi të mëdha të fuqisë kompjuterike.

Ato përfshijnë krijimin e vlerësimeve të qindra faktorëve duke përfshirë presionin e ajrit, temperaturën, shpejtësinë e erës dhe lagështinë në nivele të ndryshme të atmosferës anembanë globit.

Një mjet i ri i IA i quajtur GraphCast i krijuar nga Google DeepMind tejkalon modelin evropian të parashikimit të motit me rreze të mesme, një nga më të mirat në botë, në më shumë se 90% të këtyre faktorëve, sipas një punimi të rishikuar nga kolegët e publikuar nga DeepMind në revistën Science.

GraphCast prodhon parashikimet e tij në më pak se një minutë, duke përdorur një pjesë të fuqisë llogaritëse të metodave tradicionale të parashikimit, sepse merr një qasje shumë të ndryshme.

A2 CNN Livestream

Debat - nga Alba Alishani