“E shkuara ruan lidhjet”, gjermanët “joshen” nga ish-Jugosllavia, pak investime në Shqipëri

Nga A2 CNN
3 Nëntor 2022, 20:03 | Ekonomi

Me një buxhet të majm e projekte të orientuara kryesisht te industria automobile, energjia, bujqësia e teknologjia e informacionit, kompanitë gjermane po përpiqen të kthehen në lojtarë kryesorë në pellgun e Ballkanit Perëndimor.

Në vetëm tre muaj, investimet gjermane janë zgjeruar me 171 milionë euro në Serbi, me mbi 88 milionë në Maqedoninë e Veriut apo 76 milionë në Bosnje-Hercegovinë. E njëjta nuk mund të thuhet për Shqipërinë e cila lë pas vetëm Kosovën.

 “Nuk ka një lloj përputhje në nivelin politik që kemi me Gjermaninë me atë tregtar. Gjermania është shumë e fuqishme në Shqipëri në aktivitete indirekte sesa në ato direkte, dhe për këtë duhet punuar më shumë për të rritur me projekte investime konkrete”, thotë eksperti Genti Beqiri.

https://a2news.com/2022/11/03/tregtia-me-gjermanine-bie-edhe-poshte-niveleve-te-vitit-pandemik-2020/

Ndonëse Gjermania është ekonomia më e madhe dhe më e fortë e Europës, Shqipëria ka më pak lidhje me të, krahasuar me vendet e tjera të Rajonit edhe te shkëmbimet tregtare. Pjesa e eksporteve drejt Gjermanisë ndaj totalit është ndjeshëm më pak se në vendet fqinje.

E njëjta vlen edhe te importet. Vetëm 7.2 për qind e totalit të mallrave që Shqipëria blen nga jashtë në një vit vijnë nga Gjermania.

Ekspertët vlerësojnë se klima e ashpër e biznesit dhe politikat fiskale që ndryshohen shpesh janë dy ndër faktorët kryesorë që e bëjnë Shqipërinë të mos jetë aq tërheqëse ndaj investitorëve gjermanë.

A2 CNN Livestream

Dita jonë 2024