Frikë nga apokalipsi, të krishterët e Afrikës Lindore shesin të gjithë pasurinë dhe zhvendosen në Etiopi

Nga A2 CNN
8 Mars 2023, 18:12 | Bota

Qindra të krishterë nga vendet e Afrikës Lindore, të lidhur me Kishën e Apostujve të Krishtit në Ugandë, kaluan në Etiopi nga frika e "ditës së gjykimit". Anëtarët e sektit besojnë se jeta do të fillojë përsëri në Etiopinë post-apokaliptike.

Zëdhënësi i policisë Oscar Ogeca tha në një deklaratë se qindra të krishterë nga Uganda kishin frikë nga apokalipsi dhe se ai do të ndikonte në rajonin e tyre.

Sipas tij anëtarët e sektit besojnë se jeta do të fillojë përsëri në Etiopinë post-apokaliptike dhe shitën të gjitha pasuritë e tyre përpara se të transferoheshin.

"Banorët e fshatit Obululum në Ugandën lindore shkuan në Etiopi, duke menduar se ishte i vetmi vend i sigurt në apokalips",  tha zëdhënësi Ogeca, i cili theksoi se ka nisur edhe hetimi për këtë çështje.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Dita jonë 2024