Jo tamam si në përralla, adoleshentja tregon anët negative të jetesës në kështjellë

Nga A2 CNN
3 Korrik 2021, 21:23 | Lifestyle

Një vajzë e re italiane, familja e së cilës jeton në një kështjellë të vjetër në Itali, është bërë e famshme në TikTok duke postuar video ku tregon se si është të jetosh në të vërtetë në kështjellë.

19-vjeçarja Ludovica Sannazzaro është rritur në Kështjellën Sannazzaro, që daton në shekullin XXII, pranë Monferratos, në rajonin e Piemontes. E reja, e cila studion arte në Nju Jork, është detyruar që të kthehet në shtëpinë e saj gjatë karantinës dhe nisi të bënte video për TikTok, ku tregonte përditshmërinë në kështjellën 900-vjeçare, ku kanë banuar 28 breza të familjes Sannazzaro.

Kështjella ka 45 dhoma dhe 15 dhoma gjumi, të mobiluara me stilin e shekullit XVIII dhe XIX.

Për “Insider”, Ludovica shprehet: “Kur isha e vogël, shihja filmat Disney me princesha dhe doja të isha si ato. Nuk e kuptoja që në fakt jetoja në vende të ngjashme me ato. Të gjithë duan të kenë një kështjellë, derisa e kuptojnë që interneti nuk kap, është gjithmonë shumë ftohtë, do shumë kohë për të bërë punët dhe nëse kërkon të marrësh diçka te dhoma tjetër, duhet të ecësh shumë”.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi