Champions League i lë vendin Europa League, ku sërish projektorët do të jenë te skuadrat e Serisë A. Juventusi dhe Roma ëndërrojnë një finale të gjithën italiane, por më parë duhet të kalojnë testet e vështira në aktin e parafundit.
Juventusi do të ndeshet në gjysmëfinale me Sevilla. Edhe pse nuk janë në formën e tyre më të mirë, spanjollët mbeten të frikshëm, pasi janë skuadra më eksperte e këtij turneu. Andaluzianët e treguan këtë duke eliminuar pretendentët kryesorë për fitimin e trofeut, Manchester United. Sevilla synon triumfin e shtatë në Europa League, ndërsa për Juventusin, trofeu do të ishte shpëtimi i sezonit dhe garancia për të luajtur në Champions, gjatë sezonit të ardhshëm.
Edhe Roma kërkon finalen, me Jose Mourinho që pasi i ktheu verdhekuqtë te suksesi ndërkombëtar me finalen e Conference League në Tiranë, tashmë do të synojë triumfin në Europa League. Verdhekuqtë ishin vetëm një minutë larg eliminimit nga Feyenoord në çerekfinale, por pikërisht ajo përmbysje i bën të frikshëm për rivalët.
Bayer Leverkusen i drejtuar nga Xabi Alonso ka cilësi, por fakti që Roma ka humbur vetëm një nga 25 ndeshjet e fundit europiane, i vendos italianët në pozita të avantazhuara. Skuadrat shpresojnë që në duelet e para të hedhin një hap të sigurt drejt finales së Europa League, që do të luhet në Budapest të Hungarisë, më 31 maj. (A2 Televizion)
A2 CNN Livestream
MUND TE LEXONI GJITHASHTU
