Sondazh: Të bëhesh i pasur në Shqipëri është:
  • E lehtë 0%
  • E vështirë 80%
  • E pamundur 20%

Ministri britanik cinik: T'i kthejmë emigrantët në “burgun lundrues” pavarësisht ujit me baktere

Nga A2 CNN
14 Gusht 2023, 13:46 | Bota
Ministri britanik cinik: T'i kthejmë emigrantët në

Sekretari britanik i Shëndetësisë është treguar tepër cinik kur i është përgjigjur në SkyNews pyetjes, nëse emigrantët e zhvendosur nga anija e kthyer në qendër pritje në Portland duhet të rikthehen aty.

Edhe pse uji që furnizon kompleksin u konstatua me një bakter të rrezikshëm të quajtur Legionella, çka bëri që 39 azilkërkues të zhvendoseshin prej “burgut lundrues” pak ditë pasi u vendosën aty, Steve Barclay mendon se ata duhen rikthyer.

"Po, po, sepse kushton rreth 6 milionë paund në ditë kostoja e hoteleve për mbajtjen e tyre në hotele. Është e rëndësishme që ne të ruajmë standardet e sigurisë, por gjithashtu të reflektojmë presionin mbi pozicionin e tatimpaguesve britanikë për sa i përket atyre 6 milionë paundëve”, ishte përgjigja e Barclay, kur u pyet për rikthimin e mundshëm të azilkërkuesve në anijen Bibby Stockholm.

Reagimi i tij i prerë dhe aspak njerëzor vjen në një kohë përplasjesh në ishull përsa i përket zbulimit të Legionella-s në ujin e pijshëm.

Bakteret Legionella mund të shkaktojnë infeksione në mushkëri, pneumoni dhe ethe. Infeksion i tyre në mushkëri mund të jetë potencialisht vdekjeprurës dhe njihet si sëmundja e Legjionarëve.

Sakaq, azilkërkuesit u larguan nga anija e kthyer në qendër strehimi të premten, por më vonë doli se ata qëndruan atje edhe katër ditë pas zbulimit të bakterit në ujë.

Fatmirësisht asnjë nga emigrantët nuk ka shfaqur simptoma të sëmundjes, sipas Home Office, por masat e ndërmarra nga qeveria britanike për sigurinë e shëndetit të tyre janë kritikuar ashpër.

https://a2news.com/2023/08/11/nje-bakter-i-rrezikshem-ne-uje-britania-largon-azilkerkuesit-nga-burgu-lundrues/

A2 CNN Livestream

Ditari nga Bruna Çifligu